Kubo aktualigis demografiajn statistikojnLa loĝantaro de Kubo daŭre malpliiĝas, kun demografia profilo karakterizata de malalta fekundeco, kreskanta mortindico, daŭra maljuniĝo kaj signifa interna kaj eksterna migrado.
Dum gazetara konferenco okazigita en la ĉefurbo, Juan Carlos Alfonso Fraga, vicestro de la Nacia Oficejo pri Statistiko kaj Informado (ONEI), kune kun Diego Enrique González Galbán, direktoro de la Centro por Studoj pri Loĝantaro kaj Evoluo, prezentis ŝlosilajn datumojn pri la demografio de Kubo je la fino de 2025.
Laŭ siaj raportoj, Kubo nuntempe havas loĝantaron de 9 434 593 — cifero, kiu spegulas rimarkindan malkreskon de la loĝantaro kompare kun la antaŭa jaro.
Tiu malkresko reprezentas perdon de 313 414 loĝantoj kompare kun 2024; temas pri maltrankviliga tendenco kaŭzita de pluraj interligitaj faktoroj.
Laŭ Alfonso, tiu malkreska tendenco — observata ekde 2021 — ŝuldiĝas ĉefe al la sekvoj de la pandemio de COVID-19 kaj al la kompleksa situacio de la lando, kiun pligravigis la ekonomia, komerca kaj financa sieĝo trudita de Usono.
Fonto: ACN
